ಸಾಧಕನೆಂದರೆ ಯಾರವನು?

ಅನ್ವೇಷಕನಿಗೆ ದೊರೆತ ಆ ಹಳೆಯ ಕಾಗದ, ಓದಿದಾಗ ನಿಮಗೂ ತಿಳಿಸಬೇಕೆಂಬ ಹಂಬಲದಿಂದ ಈ ಕವಿತೆ ...

ನಿಮಗಾಗಿ ಸ್ನೇಹಿತರೆ ಇಗೋ ಇಲ್ಲಿದೆ ಒಂದು ಒಳ್ಳೆಯ ಚೈತನ್ಯದ ಚಿಲುಮೆ ...

ಸಾಧಕನೆಂದರೆ ಯಾರವನು?
ಸಾಧಕನೆಂದರೆ ಯಾರವನು?
ಭೇದವ ಮರೆತಿಹ ಮಾನವನು! 
ಸಾಧಕನೆಂದರೆ ಯಾರವನು?
ಸಾದಾ ನಡತೆಯ ಸಜ್ಜನನು!
ಸಾಧಕನೆಂದರೆ ಯಾರವನು?
ಸಾಧಿಸಿ ಹರಿಯ ಪಾಡುವನು!
ಸಾಧಕನೆಂದರೆ ಯಾರವನು?
ವೇದವ  ಕೇಳುತ ಬಾಳುವನು !
ಸಾಧಕನೆಂದರೆ ಯಾರವನು?
ವಾದವ ವರ್ಜಿಸಿ ಮಣಿಯುವನು!
ಸಾಧಕನೆಂದರೆ ಯಾರವನು?
ಕಾದಿಹ ಬುತ್ತಿಯ ಉಣ್ನುವನು!
ಸಾಧಕನೆಂದರೆ ಯಾರವನು?
ವೇದನೆ ದೂಡುತ  ದುಡಿಯುವನು!
ಸಾಧಕನೆಂದರೆ ಯಾರವನು?
ನಾದದಿ ವಿನಯದಿ ಬೇಡುವನು!
ಸಾಧಕನೆಂದರೆ ಯಾರವನು?
ತೇದುತ ತನುಮನ ಬಾಡುವನು!
ಸಾಧಕನೆಂದರೆ ಯಾರವನು?
ಮೋದದಿ ಧ್ಯಾನವ ಮಾಡುವನು!
ಸಾಧಕನೆಂದರೆ ಯಾರವನು?
ರೊಧಿಸಿ ಗುರಿಯನು ದಾಟುವನು!
ಸಾಧಕನೆಂದರೆ ಯಾರವನು?
ಶೋಧಿಸಿ ಇಷ್ಟವ ಪಡೆಯುವನು!

ಮೂಲ:  ವಿವೇಕ ಸಂಪದ - ಸಂಕ್ರಾಂತಿ ಸಂಚಿಕೆ